Гэрлэн бүрхүүл гэмтсэн учир
шалтгаан чи бол салхинд итгэе
Гэсэн ч эргэх хүрдтэй үүрээ
орхих бодлоо зүрхэнд даатгая
Үүлнээс хагацах борооны дуслууд
намайг өвтгөн газарт буухад
Уушиг дүүрэн амьсгалж чадахгүйдээ
багтран салхийг хүснэ

Маргааны уулзвар дээр
Маргаашийн уучлал дээр
Чи намайг мананд төөрөхөд
Чимээгүйхэн үүдээ нээснийг
Чи миний хордсон зүрхэнд
Цээж дүүрэн агаар үлдээж

Эргэж харахад зогсож жаргаж
чадахгүй хүлээх нарыг тэвэрч
Эцэс төгсгөл үгүй шунал
хүслийг түлхэх гүүрийг олъё
Зүрхээ дагах тайвшрал зүгээ
гаргах итгэл байгаа болохоор
Зөвхөн сэтгэлд үлдэх зовлон
жаргал тунгаах сарыг хөтлөе

Эргэлзэх зүйлээс би
Эцэс төгсгөлийг хайна
Чи намайг мананд төөрөхөд
Чимээгүйхэн үүдээ нээснийг
Чи миний хордсон зүрхэнд
Цээж дүүрэн агаар үлдээж

Чи намайг мананд төөрөхөд
Чимээгүйхэн үүдээ нээснийг
Чи миний хордсон зүрхэнд
Цээж дүүрэн агаар үлдээж агаар үлдээж