Өглөө инээсэн царай чинь энэ өрөөнд
Өчигдрийн учрал сүрчгийн үнэртэй ялдамхан байсан
Үдшээр уянгалсан зөөлхөн аялгуу
Шөнөжин зүүдлэгдэж надад өдөр нь мөрөөдөгдөнө
Үcээ задгайлсан танхил чамтайгаа би
Үүлэн дээгүүр хамт эрхлэнэ гэж би төсөөлөх юм
Улбар ягаахан тэнгэрийн хаяа руу
Уусан шингэж миний мөрөөдөл чамтай хамт ниснэ

Төгс төгөлдөр гоо үзэсгэлэнтэй
Саруул ухаан, ялдам харц
Сайхан чамайг биширнэ ээ
Тунгалаг ариухан, тансаг яруухан
Цэцэгсийн анхилуухан үнэр
Цэвэрхэн чамайг би бодно
Мөнхийн шинэхэн сарнайг чи
Миний зүрхэнд дэлбээлүүлж
Мөрөөдлийн торгон жигүүрээр
Мөнгөн сарны зүг нислээ
Хаанаас чи ирсэн юм бэ
Харц нүдийг минь булаагаад
Үргэлж чиний үзэсгэлэн гоог дуулъя аа
Үүрийн туяа минь гийгээч
Үдшийн оддыг атаархуулж
Он цагийн урсгалд чи минь төгс төгөлдөр

Солонгын гэрэлтэй хөөцөлдөнхөн тоглох
Хонгорхон эрвээхэй чи надад түүний тухай яриач
Тунгалаг болорхон тэрний минь харцнаас
Хайрын ялдам туяа гэрэлтэн сууна гэж чи хэлээч
Нарсан шугуйн гүнд намрын бороо чи орооч
Надад түүний нандин нууцыг шивнэнхэн яриач
Намуухан салхин зөөлхнөөр аргадан
Чиний үзэсгэлэн гоог надад магтан дуулж өгөөрэй

Төгс төгөлдөр гоо үзэсгэлэнтэй
Саруул ухаан, ялдам харц
Сайхан чамайг биширнэ ээ
Тунгалаг ариухан, тансаг яруухан
Цэцэгсийн анхилуухан үнэр
Цэвэрхэн чамайг би бодно
Мөнхийн шинэхэн сарнайг чи
Миний зүрхэнд дэлбээлүүлж
Мөрөөдлийн торгон жигүүрээр
Мөнгөн сарны зүг нислээ
Хаанаас чи ирсэн юм бэ
Харц нүдийг минь булаагаад
Үргэлж чиний үзэсгэлэн гоог дуулъя аа
Үүрийн туяа минь гийгээч
Үдшийн оддыг атаархуулж
Он цагийн урсгалд чи минь төгс төгөлдөр

Би чамайг бишрээд
Үргэлж дээдлэн гоо үзэсгэлэнд чинь сөгдье
Чи ариухан, даруухан
Энэ ертөнцийн төгс төгөлдөр