Үүлийг үсийг чинь гэж боддог
Цасыг царайг чинь гэж боддог
Салхийг уруулыг чинь гэж боддог
Сарыг гунигийг чинь гэж боддог

Үснээс чинь би тэнгэр үнэрлэдэг
Царайнаас чинь би цас олдог
Уруулаас чинь би салхи залгидаг
Гунигаас чинь би сарыг хардаг

Үүлэн үстэй
Цасан царайтай
Салхин уруултай
Саран гунигтай
Хачин сайхан амраг юм аа чи
Хайраасаа ч харамламаар янаг юм аа чи
Хайраасаа ч харамлаж явъя

Цэцгийг инээдийг чинь гэж боддог
Солонгыг сормуусыг чинь гэж боддог
Мананг бодлыг чинь гэж боддог
Марлыг зүүдийг чинь гэж боддог

Инээднээс чинь би цэцэг тасддаг
Сормууснаас чинь би солонго хайчилдаг
Бодлоос чинь би мананд төөрдөг
Зүүдээс чинь би марал түүдэг

Цэцгэн инээдтэй
Солонгон сормуустай
Манан бодолтой
Марал зүүдтэй
Хачин сайхан амраг юм аа чи
Хайраасаа ч харамламаар янаг юм аа чи
Хайраасаа ч харамлаж явъя

Чиний тэр гоолиг биеийг
Надаас өөр хэн ч бүү тэврэг
Чиний тэр нандин хайрын үгсийг
Надаас өөр хэн ч сонсохгүй байгаасай

Миний хайрын хүслийг
Чамаас өөр хэн ч бүү мэдрэг
Миний хайрын хүслийг
Чи хүлээж байгаа юу

Миний хүслийг биелүүлээч
Хайрын хүслийг биелүүлээч
Миний хүслийг биелүүлээч
Хайрын хүслийг биелүүлээч