Уудамхан гудамжаар нь алхалж явахад
Улиангарын навчсаар салхи нь наадаад
Улаанбаатарын минь тунгалаг агаар
Уушги цээжийг тэнийлгэн сэвших таатай

Ай хө, зээ хө, ай хө зээ хө
Улаанбаатар минь агаартай

Сүрлэгхэн жавхлангий нь бишрэн харахад
Сүндэрлэсэн ордос туяа цацаад
Сүхбаатарын маань цэлгэр талбай
Сүслэх зүрхийг илбэнхэн таалах бахтай

Ай хө, зээ хө, ай хө, зээ хө
Улаанбаатар минь гэгээтэй

Ялдамхан амрагтайгаа цэнгэн зорчиход
Яруухан хөгжмийн эгшиг зохироод
Ярайх хотын маань тэнүүн магнай
Ямагт баярын солонго нь гийгэх золтой

Ай хө, зээ хө, ай хө, зээ хө
Улаанбаатар минь баясаантай

Ариухан цэцэрлэгт нь амран суухад
Агарваа зандны анхилга сэнгэнээд
Аршаан оргих булгийн сангаас
Арван зүгтээ солонго нь татах хавтай

Ай хө, зээ хө, ай хө, зээ хө
Улаанбаатар минь дэвжээнтэй

Хоргодсон сэтгэлээрээ эргэн санахад
Холдохын чиг тусмаа ойрхон болдог
Хотол нийслэлийнхээ илч гэрлээр
Хонгорзул цэцэг шиг урганам билүү биднүүс

Ай хө, зээ хө, ай хө, зээ хө
Улаанбаатар минь ивээлтэй
Ай хө, зээ хө, ай хө, зээ хө
Улаанбаатар минь ивээлтэй