Эжий эх газартаа хайраа шингээж дээдлэн сүслэн мөргөе өө
Энх цагаан сарандаа хүслээ шивнэн даатган залбирч мөргөе өө
Уул усны лус савдаг сэр
Ураг олны золбоо хийморь мандаж байг ээ
Улс Монголынхоо сүр хүчийг
Хурайлан дуудъя аа
Хурайлан хурайлан дуудъя аа

Ээ ээ ээ саран мину
Өө өө өө тэнгэр мину
Өнөд мөнх хөх тэнгэр мину

Эцэг дээд тэнгэртээ хүслээ шивнэн алдлан сүлдлэн мөргөе өө
Ээлийн их нарандаа цацлаа өргөн даатган залбирч мөргөе өө
Хас төрийн их цадиг сэр
Хамаг олны заяа зол нь дэлгэрч яваг ээ
Хөх Монголынхоо сүр хүчийг
Хурайлан дуудъя аа
Хурайлан хурайлан дуудъя аа

Ээ ээ ээ наран мину
Өө өө өө тэнгэр мину
Өнөд мөнх хөх тэнгэр мину

Өндөр их дээдэстээ итгэлээ илгээн талархан сөгдөн мөргөе өө
Өр дулаан галдаа өргөлөө өргөн даатган залбирч мөргөе өө
Хаан суу заль чин үнэн сэр
Хотол олны үрс нь энх амгалан байг ээ
Хамаг Монголынхоо сүр хүчийг
Хурайлан дуудъя аа
Хурайлан хурайлан дуудъя аа

Ээ ээ ээ голомт мину
Өө өө өө тэнгэр мину
Өнөд мөнх хөх тэнгэр мину
Өнөд мөнх хөх тэнгэр мину
Тэнгэр мину
Тэнгэр мину