Сэтгэл дотор минь манан буугаад
Сэрүү татаад юутай сайхан
Өглөөний манан наранд гэрэлтэхэд
Өр зүрх минь улам баясна

Миний сэтгэлийн хөнгөн гуниг шиг
Манан юутай ганцаардмаар
Бүхний айдсаас намайг нуугаад
Манан дотроо тэвэрнэ

Алхаж явахад манан ороогоод
Сэтгэл баясан агаарт жингүйднэ
Өнгөний чимээ нүдэнд сонсогдоод
Өөрөө ч ойлгохгүй дэндүү нууцлаг

Бие сэтгэлийнхээ цагаахан зайд
Манан зураад ганцаархнаа
Бүхний өмнөөс намайг ойлгоод
Манан нууцаа дэлгэнэ

Манан амтлан ганцаараа ертөнцийг би мэдэрнэ
Мэдэрнэ
Манан амтлан ганцаараа ертөнцийн хөгжмийг сонсоно
Сонсоно

Миний сэтгэлийн хөнгөн гуниг шиг
Манан юутай ганцаардмаар
Бүхний айдсаас намайг нуугаад
Манан дотроо тэвэрнэ

Бие сэтгэлийнхээ цагаахан зайд
Манан зураад ганцаархнаа
Бүхний өмнөөс намайг ойлгоод
Манан нууцаа дэлгэнэ