Уулс нь нараа аргамжиж цэцэгсээ нөмөрлөж хүлээнэ
Үүлс нь хураа тэгшилж талаа ундаалж хүлээнэ
Чонын эртэй морьд нь уяагаа тэлүүлж хүлээнэ
Цовоо бяцхан багачууд нь гийнгоонд дэрвиж хүлээнэ

Мөнх тэнгэрийн доор миний Монгол наадам
Мөнх тэнгэрийн доор миний морьтой наадам

Адууны үнэртэй дугараа нь айргийн сүүн дээр хүлээнэ
Арван цагаантай эмээл нь нүдний гижгэн дээр хүлээнэ
Саран хөмсөгтэй нум нь хөвчиндөө чангарч хүлээнэ
Наран хээтэй зодог нь хөлсөндөө чангарч хүлээнэ

Мөнх тэнгэрийн доор миний монгол наадам
Мөнх тэнгэрийн доор миний морьтой наадам

Цагаан зодогтой сүлд нь есөн хүлэгтэй хүлээнэ
Цагаан цацалтай өглөөтэй ногоон дэвжээ хүлээнэ
Уртын дууны шуранхай хуурын аялгуунд хүлээнэ
Монгол түмэн даяараа гоёлын тэрлэгтэй хүлээнэ

Мөнх тэнгэрийн доор миний монгол наадам
Мөнх тэнгэрийн доор миний морьтой наадам
Мөнх тэнгэрийн доор миний монгол наадам
Мөнх тэнгэрийн доор миний морьтой наадам