Ажнай морьдын алтан туурай тамгатай яа
Ар халхын сайн эрсийн домогтой ёо
Эр хүн магнайд нь гарвал омог бардам
Энэ яваа насны хийморь лундаатай

Сунайж байгаа адуу шиг аргамаг уул Шилийн Богд
Сунаж яваа чоно шигээ эрэмгий уул Шилийн Богд
Шилийн Богд

Зулагт гутлын цэцэг зайчилсан угалз хээтэй
Зул хонгорын салхи нь үнэртсэн галибартай
Баранзад хадаг шиг номин зүсмийн уул минь
Баринтаг судар шигээ номын авшигтай

Сунайж байгаа адуу шиг аргамаг уул Шилийн Богд
Сунаж яваа чоно шигээ эрэмгий уул Шилийн Богд
Сунайж байгаа адуу шиг аргамаг уул Шилийн Богд
Сунаж яваа чоно шигээ эрэмгий уул Шилийн Богд

Манант зулайдаа сансрын салхин урилгатай
Мацах бэлдээ тэнгэрийн унааны заллагатай
Морин зэргэлээ хүүшлэх холын суврагатай уул
Морь буусан шагай шиг Монгол зурлагатай

Сунайж байгаа адуу шиг аргамаг уул шилийн богд
Сунаж яваа чоно шигээ эрэмгий уул шилийн богд
Сунайж байгаа адуу шиг аргамаг уул шилийн богд
Сунаж яваа чоно шигээ эрэмгий уул шилийн богд