Ханын хөндийн тулаан дунд
Халхын голын шуурган дунд
Анд Зөвлөлтийн дайчид
Хамт дандаа явсан юм

Хорь хүрэлгүй зарим нь үрэгдсэн ч
Хотол олон ах минь гэдэг юм
Гэрэлт хөшөөний нь хүйтэн чулуу
Гэгээн наранд бүлээн байдаг юм

Дорнын аяны ариун мөр
Дотнын нөхрийн сайхан нэр
Зон Монголын зүрхэнд
Гүн зузаан шингэсэн юм

Хорь хүрэлгүй зарим нь үрэгдсэн ч
Хотол олон ах минь гэдэг юм
Гэрэлт хөшөөний нь хүйтэн чулуу
Гэгээн наранд бүлээн байдаг юм

Эвийн санаа нь дуулалболж
Энхийн төлөө уриа болж
Амь үрэгдсэн дайчдад
Хань болсоор үлдсэн юм

Хорь хүрэлгүй зарим нь үрэгдсэн ч
Хотол олон ах минь гэдэг юм
Гэрэлт хөшөөний нь хүйтэн чулуу
Гэгээн наранд бүлээн байдаг юм