Ширүүхэн ч харамгүй эмзэгхэн хайр минь
Шивнэсэн үгийг чинь мартамгүй дурсамж минь
Гэгээн залуу насны баяр баясгалан
Гэргий заяагаар учирсан хань минь ээ

Салхинаас халхлам энхрийхэн хань минь ээ
Санаа алдахад эмтэрмээр дурлал минь
Одтой дэврүүн насны гэрэл гэгээ
Орчлонд надтай учирсан хань минь ээ

Амьдрал мөрний урсгал биднийг бүүвэйлнэ
Амраг минь
Аливаа сайхан бүхнийг чамтайгаа би зүйрлэнэ
Хань минь ээ
Амьдрал мөрний урсгал биднийг бүүвэйлнэ
Амраг минь
Аливаа сайхан бүхнийг чамтайгаа би зүйрлэнэ
Хань минь ээ

Бударсан цаснаас ч ариухан хайр минь ээ
Будант орчлонг гийгүүлсэн сэтгэл минь
Санаж хайрлах итгэлийн нандин хэлхээ
Салахын аргагүй ижилдсэн хань минь ээ

Амьдрал мөрний урсгал биднийг бүүвэйлнэ
Амраг минь
Аливаа сайхан бүхнийг чамтайгаа би зүйрлэнэ
Хань минь ээ
Амьдрал мөрний урсгал биднийг бүүвэйлнэ
Амраг минь
Аливаа сайхан бүхнийг чамтайгаа би зүйрлэнэ
Хань минь ээ