Эр хүн гэдэг ийм л байдаг
Яг миний ах шиг
Уулсаас амгалан уснаас гүн
Эгэл боргил ертөнц билээ

Ах минь би таньтайгаа
Амьдарлаа туулах гээд
Аз жаргал дундуур дуулах гэсэн юм
Аавын нөмөр ээжийн энэрэл
Ах минь таньдаа дэндүү хайртай

Ахтай хүн гэдэг эрх л байдаг
Айх зүйл гэж үгүй
Өөрөө шатавч намайг ивээх
Өглөг халуун алтан наран

Ах минь би таньтайгаа
Амьдарлаа туулах гээд
Аз жаргал дундуур дуулах гэсэн юм
Аавын нөмөр ээжийн энэрэл
Ах минь таньдаа дэндүү хайртай

Нөмрөөд нөмрөөд дуусахгүй
Өмөг дүүрэн уулыг Ах гэдэг
Эмтлээд эмтлээд хорогдохгүй
Элгэнд нуугдсан хайрыг Ах гэдэг
Нартад ганц тохиох аавын үргэлжлэлийг Ах гэдэг
Намайг алсаас тандах агуу сэтгэлийг Ах гэдэг

Дотороо эмтэрсээр байв ч гаднаа инээх
Омог бардам ах минь
Уйлмаар санагдвал таньдаа л очдог
Уужим саруул хайрын тал минь

Ах минь би таньтайгаа
Амьдарлаа туулах гээд
Аз жаргал дундуур дуулах гэсэн юм
Аавын нөмөр ээжийн энэрэл
Ах минь таньдаа дэндүү хайртай