Алдаа онооны дэнсэн дээр аавын хүү алхаж явна даа
Амьдрал гээч энэ хэдэн мянган бээрт жаргалаасаа амсуулна даа
Огторгуйн дунд хүн өчүүхэн нэг нэгнээ л хайрлахсан даа
Хөгшин буурал аав ижийдээ сайн явж л харагдахсан
Сайн явж л харагдахсан

Мянга мянган оддын доор хүмүүс бид чинь цөөхүүлээ
Мянга харамсаад буцаая гэсэн ч цаг хугацаа ухрахгүй ээ
Голж шилсэн амьдрал чинь зарим хүнд хүсээд олдохгүй ээ
Цаг хугацааг буцааж болдог бол хувь заяагаа зөвөөр бичихсэн

Сайн муугаар дүүрэн хорвоо дээр уужим амьсгалж л явахсан
Саатаж мордох энэ амьдралдаа сайныг бодож л амьдрахсан
Ааш араншин олон хүн төрөлхтөнд зөв нэгэнтэй л ханилахсан
Олон аавын хөвгүүд нь хазгай гишгэлгүй алхаасай

Мянга мянган оддын доор хүмүүс бид чинь цөөхүүлээ
Мянга харамсаад буцаая гэсэн ч цаг хугацаа ухрахгүй ээ
Голж шилсэн амьдрал чинь зарим хүнд хүсээд олдохгүй ээ
Цаг хугацааг буцааж болдог бол хувь заяагаа зөвөөр бичихсэн
Хувь заяагаа зөвөөр бичихсэн, бичихсэн