Хайр минь мөнх, үүрд хамтдаа байхдаа
Хоёр зүрх нэгэн хэмнэлээр цохилно
Хязгааргүй тэнгэрийн дор ч гэсэн
Хамгийн ариухан нь чи минь л байна

Энэхүү хэдэн мөртийг би чамдаа зориулж зохиов
Энхрий чамтай тэр үед учрах завшаан тохиов
Эелдэг дөлгөөн чи минь амьдралын минь гэрэл гэгээ
Энэ хорвоогийн алтан наран шигээ
Намайг ганхах үед хажууд түших багана
Энгэрт минь чихээ наагаад зүрхийг минь чагна
Хайр минь дуусахгүй амьсгал хураатал
Ирээдүй минь гэрэлтэж байна урд минь дурайтал
Би санаж байна аа намайг гэсэн сайхан хүнийг ээ
Зүүдээ манаж байна уу, хайраа тэврээд үнсэх юм уу
Амьдралд минь гарч ирсэн хамгийн том аялгуу
Алдаж бид болохгүй, хайраа би зовоохгүй
Алагхан нүднээс чинь хэзээч би нулимс унагахгүй

Хайр минь мөнх, үүрд хамтдаа байхдаа
Хоёр зүрх нэгэн хэмнэлээр цохилно
Хязгааргүй тэнгэрийн дор ч гэсэн
Хамгийн ариухан нь чи минь л байна

Хайрын үгсийг чимээгүйхэн шивнээд
Харц чинь зүрхэнд минь гэрэл асгав
Зөөлөн салхи шиг намайг хүрээлж
Зүрх минь зөвхөн чамд уусав
Олон жил өнгөрсөн ч наддаа бяцхан хэвээрээ
Анх л яаж догдлуулсан яг л тэр л чигээрээ
Хүүхдүүдээсээ илүү чамайг л эрхлүүлнэ
Чи минь миний дэнлүү амьдралыг минь гэрэлтүүлнэ
Хүнд хэцүү үе гарвал асаалттай TANK шиг
Хайрыг минь гомдоовол авирлана GANG шиг
Няцална бясаа шиг, сувдаа нуусан хясаа шиг
Хамгийн үнэтэй эрдэнээ хамгаална бамбай шиг
Чиний л төлөө бүхнийг хийнэ би, би
Чамайг байхад нар минь үргэлж гийнэ, тийм
Чи минь надад бурхнаас өгсөн нандин шүтээн
Чин зүрхэндээ хайрлаж амьдралаа бүтээнэ
Нэг л мэдэхэд олон жилийг туулжээ хайраа хоёулаа
Өнөр өтгөн болжээ бид хоёр олуулаа

Хайр минь мөнх, үүрд хамтдаа байхдаа
Хоёр зүрх нэгэн хэмнэлээр цохилно
Хязгааргүй тэнгэрийн дор ч гэсэн
Хамгийн ариухан нь чи минь л байна
Хайр минь мөнх, үүрд хамтдаа байхдаа
Хоёр зүрх нэгэн хэмнэлээр цохилно
Хязгааргүй тэнгэрийн дор ч гэсэн
Хамгийн ариухан нь чи минь л байна