Эрт урьдын эрин галваас жигүүр дэвсэн
Элэн халих цагаан шонхор минь
Хүннү нүүдлээр амьдрал зөөсөн бидэн хоёрын
Хүрэн зүрхэнд дурлал шивнээч

Язгуур шүтээнтэй эрийн хийморь
Янагийн сэтгэлд ассан од минь
Эмээл дээрээ ардын дуутай
Эртний судрын совинт хайр минь

Өнөд эртний үүлэн дээгүүр дүүлэн нисэх
Өвөг дээдсийн ариун голомт минь
Сүйх тэргээр жаргал тээсэн сүйт амрагийн
Сүнсэн дотор мөнхөд бадамлаач

Язгуур шүтээнтэй эрийн хийморь
Янагийн сэтгэлд ассан од минь
Эмээл дээрээ ардын дуутай
Эртний судрын совинт хайр минь

Алтай ятга арван гурван ястан овгийн
Агсал морины тоосонд уулзах уу
Хаан хууртай хатан шанзтай Хиад боржигоны
Хадаг хийссэн овоонд хүлээх үү

Сүүдэр дээрээ зүрх зурсан хайрын түүхтэй
Сүг зураг шиг гоо үзэсгэлэн
Монгол морьдын дэлэн дээрээс дэлгэрч ургалаа
Миний зүрхэнд шувуу шиг буугаач

Язгуур шүтээнтэй эрийн хийморь
Янагийн сэтгэлд ассан од минь
Эмээл дээрээ ардын дуутай
Эртний судрын совинт хайр минь

Язгуур шүтээнтэй эрийн хийморь
Янагийн сэтгэлд ассан од минь
Эмээл дээрээ ардын дуутай
Эртний Домгийн Гэрэлт хайр минь