Эрдэнийн чулуу шиг хос шарга
Энэ наадмын түрүү шарга
Эрдэнэчулууны унаган шарга
Эрсдэж хальсан хайран шарга

Алдар толгойг тойрсон шарга
Амгай тэнийтэл хадуурсан шарга аа
Ахин төрсөн дүү шарга
Ахын захиасыг даасан шарга аа

Торгон жолоогоо өргүүлсэн
Тогоруу халтрын төл шарга
Төрийн наадмын түрүү шарга
Тод манлайн хайртай шарга

Уясан эзний найдвар шарга
Унасан хүүхдийн урам шарга
Уурга хэрэггүй баригдах шарга
Улсын наадмын түрүү шарга

Торгон жолоогоо өргүүлсэн
Тогоруу халтрын төл шарга
Төрийн наадмын түрүү шарга
Түмэн олны хайртай шарга

Цагаан гүүний шарга унага
Цамцаа дэрвүүлэх хүүгийн шарга
Цайвар дэлтэй тод шарга
Цагийг эзэлсэн хурдан шарга

Торгон жолоогоо өргүүлсэн
Тогоруу халтрын төл шарга
Төрийн наадмын түрүү шарга
Тод манлайн хайртай шарга
Түмэн олны хайртай шарга