Шивээ Хиагтыг авахад
Шилэн дэнлүү хэрэггүй
Шийдэж ирсэн гаминг
Ширмэн бөмбөгөөр сөнөөв

Дөрвөлжин сүмийн үүдэнд
Дөрвөн пулемёт зоогоод
Дүрэмгүй муусайн гаминг
Дөтийн замаар тонилгов

Ухаа хонгор морьтой доо
Улсын их жанжин даа
Учир бүгдийг ухуулсан
Ухаан ихтэй хүн дээ

Баруун уулын орой дээр
Баахан цэрэг жагсаагаад
Бас түүний цаана нь
Баатар жанжнаа батлав

Өндөр уулын орой дээр
Үхэр буугаа зоогоод
Үелээд ирсэн гэминг
Үнсэн чандруу болгов

Алсын уулын оройгоос
Аянгын сумаар харваад
Ардын цэргийн сүрээр
Аюулт гаминг сөнөөв

Авралт нөхдийн ачаар
Ардын түр засгийг
Алтанбулаг хотод
Анх удаа мандуулав

Ардын намыг байгуулж
Агуу зорилтыг тунхаглаад
Алимад дайсныг дараал
Ард түмнийг амаржуулав