Хөөрөөд байгаа наран чинь
Хойд хормойноосоо харанхуйг гийгүүлнэ
Сүүдэр минь миний урд мөр гаргадаггүй шиг
Сүнс минь худлыг мэднэ
Үлгэр жаргалаар
Үхэл үнэнээр төгсдөг

Уртаа урсах харанхуй нь ээ
Урд энгэр доорооc гэрэл тээнэ ээ
Дээд үнэн өөрөө дэгдэх туулайг гүйцэхийг
Дэглэх үйл минь мэднэ
Үнэнийг цаг хугацаа
Үүрийг үдшээр ялгана

Эхлэл өөрөө төгсгөл
Энэ бүхэн огторгуйн зүүд
Эдлэх бие минь мөнх бус
Нүглээ тайлаад нүцгэн үлдэнэ
Огт оргүйгээс ор мөргүй
Сүүдэр минь миний урд мөр гаргадаггүй шиг
Сүнс минь худлыг мэднэ ээ
Үлгэр жаргалаар
Үхэл үнэнээр төгсдөг

Огт оргүйгээс ор мөргүй
Дээд үнэн өөрөө дэгдэх туулайг гүйцэхийг
Дэглэх үйл минь мэднэ
Үнэнийг цаг хугацаанд
Үүрийг үдэшээр ялгана